الشاعرة … منى البابوري
على طول ملامحنا
بتفضحنا
و مهما حاولنا نداريها
اتارينا بنضحك
على روحنا
ملامحنا جريئة
و على طول
على حبل الخوف
تمرجحنا
كم مرة و بأي طريقة
نخبي و لو جراحنا عميقة
لكن بيبان علينا
اه منك اه يا ملامحنا
نفسنا نسالك يا ملامحنا
بتوصفي حالنا في الجرح
طب ايه رايك
لو عاندناكي و فرحنا
هتحكي عن كل شيء
في الفرح و لا في جراحنا
في الي بيسعدنا
و الي يقتل في روحنا
ااه ياني منك اااه ياني
جريئة و منك بنعاني
على طول بالف وش بتباني
اااه منك اااه يا ملامحناا
