الشاعرة منى البابوري
ارحل يا الحزن 25.11.2022
هزيته من ايديه
و وصلته للباب
و كل ما يلزمه عطيته
من زاد و زواد
هذا ذهبي و اغلى ما عندي
و هذا حرامي الزين البلدي
و هذا عسل حر من شهدي
و هذي منقالة غالية متاع يدي
و هندام شريته من بياع متعدي
و كسيته من ساسه لراسه
و شهدت عليه أهله و ناسه
يرحل لا يحن و لا يتغير
مرة احساسه
لا يجيني و لا عاد يبكيني
و لا عاد كحلي يسيل من عيني
يكفي ما تعدى و عشته في سنيني
ودعته و ترجيته يخطاني
يزي ما خلاني نعاني
يرحل من طريقي و ينساني
مش هذا عدل ربي يا خياني
عرفتوا على شكون نحكي
الحزن الي في كل عين يبكي
و في وسط قلبي راقد متكي
ادعوا معاي يبعد لا هو يوجعني
و لا انا منه نتعب و نشكي
الشاعرة منى البابوري
