معركة قلب
معركة قلب
أنا قلبي رافض لا يعترف إنّه أسير المعركه
كلّ القلوب اتندمت وهو اللي رافع مظلمه
ضعيف وبايع قوته في سوق نخاسه للبشر
الكل حاسد خطوته مع إنه عاجز وانكسر
عريان وساتر عورته بجذع من لِب الشجن
راسم طريقه بدمعته سراب دليله م الوهن
تعرف سناه من طلته يتصافى مع ليل القمر
لحظة غيابه بتختفي كل المعاني والعِبر
معقوله لسه المعركه مابين هواه والمشترى
والأرض رافضه تسلمه خصمه اللي بايع وافترى
كان ذنبه ايه يوم ينجرح ويقولوا عاشق واندفن
ويتوه دليله ف معركة والحُكم متروك للزمن
كلمات الشاعرة
سارة الشاذلي
