كارت أحمر …
الشاعر: حليم محمود أبو العيلة
كارت أحمر …
بيحلم بحلم عمره م اتحقق
ودق الـجرس فانفـتح الــمـزاد
كَلِّتٍ عزيمته والهدف ضاع
والحلم شاب ف عيون ولاد
والعقل ضل وخف وطار
وقلبه مات من غير حداد
ميزانه اختل والبوصلة ضَلِّتْ
وتاه طريقه وفات الميعاد
زرعت ف أرض مش أرضي
وضاع تعبي ومفيش حصاد
ودنيا واخدة البشر ف رجليها
كورة شراب وتاه العباد
وحكم كل اللي حيلته صُفارة
وملعب حدوده شوك ورماد
وكارت أحمر طرد حلمه
مـن جـوه روحه والـفؤاد
الشاعر: حليم محمود أبو العيلة
مصر
