هانت عليك العِشرة …
بقلم الشاعره : سامية البابا 🇵🇸
هانت عليك العِشرة؟
وأنا اللي أشْعَلتلك صوابعي العَشرة
شموع ، عَشان تُوصلَك بَـرّ الأمان
ما صُنت لا عِشرة… ولا وُدّ
ولا حتى إفْتَكَرت أيّام زَمان
ليه الجُحود ؟
ليه الحِقْد ؟
ليه حسّستِني بَعد العُمر بِعَدَم أَمان ؟
أنا كُنت لَك :
سَنَد، وظِلّ ،
كُنْت الزوجَة … والحَبيبة كَمان
إيه اللّي جَرى ؟
إيه اللّي غَيَّرَك ؟
بَعد ما كُنت مَلاك … صِرت جان !
كِبِرْت ، ترقّيت ، نِسيتْني
هُو دَه طَبْعِ الإنسان ؟
يَنسى أهْلُه وناسُه ،
اللّي وَقَفُوا جَنْبه … مِن زَمان
آه يا وَجَعي مِن قَلبٍ نَكَر
نسي الوَفا ، وإفْتَكَر اللّي خان
