كلمات الشاعر
حليم محمود أبوالعيلة
عرّاف …
حُبكْ دا داءْ جُوايا
ومفيش دوا يداوينى
لفيت علىٰ كُل الأطبا
وصَفوا حُضنكْ يدفيني
أنا الغَرقان ف دمُوعي
علىٰ بُعدك يا نُور عِيني
أنا المُشتاق لِرموشك
مين حَاشِك تِلاغيني
أنا المَغصُوب علىٰ أمري
مين أمرك تبعدنى وتنسيني
نار هَجرك شَعلِلت جُوايا
بنارك راضي تِكْويني
عَراف عمل لي الصّبر تعويذة
والصّبر طَبيعة ف تَكويني
عَزْمْ عَلَيا وبَخرني
برموشِك خلاكِ ترقيني
صحىٰ جِواكي الحُبّ
وشْربتِ الشّهد وروتيني
كلمات الشاعر
حليم محمود أبوالعيلة
Discussion about this post