كلمات الشاعر

خالد عبدالمعطى

ما بين قلوبنا

و بين ترابك يا وطنا عهد

لابد راح نوفيه.. 

.. 

يا غازله توبنا

بخيوط كرامه معجونه بالعرق و الكد

و الفخر و الشرف و التيه.. 

.. 

يا نور دروبنا

لما الغروب يمتد

ليك شمس تشق الليل و تشرق فيه.. 

.. 

مايهمكيش مهما الزمن خانك

ولا انين الناى اتسلل لالحانك.. 

.. 

مايهمكيش صوت الخسيس لو يعلا

صوت قلبنا اعلى

و تكبيرنا فى ادانك.. 

.. 

ما يهمكيش و ما تسمعيش 

و خدى الكلام منا

احنا اللى دمنا حنا على الكفوف زانك.. 

.. 

و ما تحزنيش و امسحى دمعك

ما احنا اتفقنا ان احنا نور شمعك.. 

.. 

من قبل حتى ما تندهى قلبنا سامعك

و ف قلب قلب الروح يا وطنا ده مكانك.. 

.. 

مش بس نموت عشانك 

نتمنى الف شهاده.. 

.. 

و ان موتنا ايه يعنى 

طب ما انت ولاده.. 

.. 

دمعك بيوجعنى يا وطنى اسمعنى

ده الكون ما بيسعنى

لما التراب افديه.. 

.. 

و ما بين قلوبنا 

و بين ترابك يا بلدنا عهد 

لابد راح نوفيه.. 

.. 

كلمات الشاعر

خالد عبدالمعطى

Khaled Abdelmoaaty