يارب …
كلمات الشاعرة
الأم لولو
شاخت في ملامحي ضحكة
حتى الأفراح مواسم
ومشيت بالروح في سكة
بهتت فيها المعالم
الصوم كان شهر واحد
دلوقتي العمر صايم
والعيد كان لما يجي
كان يجي الفرح لازم
الأهل ليه بيقسوا
وحبيبك يبقى ظالم
دنيا وفيها العجايب
بتفرّق في الاحبة
العدل منها غايب
والطيب عيشته صعبة
ترمي الحمول على الله
تخرج م الغمة سالم
يا رب باقولها خالصة
اشرح نفسي وتصفا
الروح مابقيتش ناقصة
وأنت اللي بحالنا عالم
وأنت اللي بحالنا عالم
كلمات الشاعرة
الأم لولو
Discussion about this post