يونيو 13, 2023الحديثموعد فراق … الرئيسية رواد الشعر الحديث موعد فراق … موعد فراق … ……………… كلمات الشاعرة هيام حمزه باكينام حمزه ولإنه حان موعد فراقك وقفت الساعه وزمانها والعُمر مر بذكرياتُه والكلام مالوهش قلب كنت بابلع ريقي غصب قلبي كان تنهيدُه رُعب نبضه كان عالي الأنين والفراق هز اللي باقي من الحنين والسنين جريت في لحظه واحنا مش أد السنين قلبي أنا .. مش أد صد ولا أد جزر .. ولا أد مد قلبنا كان قلب واحد يوم مادق : دق عندك دق عندى علاّ نبضك هز شرياني بدمَّـك نبضه كان يرجُف سكَات وافتكرته ف لحظه مات واكتشفت إنه حان وقت الفراق ! الذكريات تنبُض حنين تشهق أنين تنزل دموع الوجد سايله .. على الخدين صدَّقني مالناش في الفراق . ماانا قلت لك قلبي هِلك إرجع تعال بلاش عناد. إرجع كفايه خلاص بعاد مش قلبك دق .. و حن لي وجريت علي قلبي تودِّني تسمع دقاته تحس أهاته .. وتعيش بنبضاته مش راحت روحك م الفرحه وحلمت معايا بالطرحه ونسينا الناس اللي خانونا وعيونهم كانوا عيُون فاضحه ما الغيره عذاب وغيرتهم فكِّت ربطتنا وكلامهم هـدْ اللي رابطنا ونسينا واجبنا والواجب مش كراريس ودروس الواجب حب وعشق شمُوس. والقلب اللي تغيب دقاته يدبل ويبور ! ماتهددنيش ماتهددنيش بخصام وفراق الغيره بتنهش قلبي معاك والنبض الي زرعته ف قلبي وشِـفيت بيه الروح بيقول لك ليه؟? طب ليه حتروح.؟ وترد عليَّا بكل وضوح علشان الوقت مالوهش حبيب علشان الفرقه ماتعرف خوف ولا قلب بيشعر .. أو بيشوف صدقني الغربه في وسط الناس أفظع إحساس و لإنه حان وقت الفراق… أنا ….. أنا لازم أنام .!!!! كلمات الشاعرة هيام حمزه باكينام حمزه المقالة السابقة ضن الزمان ... المقالة التالية « عودة ميت » للشاعر سعد الشرقاوى ...
