شُفْتِك فِي مْنَامِي بَحذَايَا

بقلم الشاعرة ….
جهاد المثناني

شُفْتِك فِي مْنَامِي بَحذَايَا
شَـايِخْ.. وأنْفَـاسِكْ دْفَـايَـا
نِـحلِم ايدِكْ تِـلْمِسْ ايدِي
تْوَشْوَشْنِي .. تْغَنِّيلِي غْنَايَا

حْلِمْت تْـقُلِّي انّك تَعْشَقْنِي
تْـبُوسْ خَدِّي ومَرّة تْـعَنَّـقْنِي
لِـلِّيلْ تْـطِـير وتِسْـبقْـنِـي
وتَـزْرَعْـنِي نِجْـمَة ضَـوَّايَّـا

شُـفْتِكْ واللـهِ فِـ مْـنَـامِي
سْـمَـعْـتِكْ تَنْهِيدَة فِـ أحْلَامِي
نْـتَمْـتِـم ونْـقُولِـك فِ كْلَامِي
حْـكَايَـة وْرَا حْكَايَا وحْكَـايَـا

فِي مْنَـامِي رَاتِـكْ عِـينَـيَّا
شُـفْـتِـكْ هَـبْـلَة تُسكُـن فِـيَّا
مَـرَّة بَـرْشَا .. وْمَـرَّة شْـوَيّـَا
مَـرَّة أرضِي ومَـرّة سْمَـايَـا

شُفتِكْ في مْنامِي تغنّيلِي
على طَبْـعِك ياسِر تَحْكِيلِي
عَـالغِـيرَه.. ونقُول يَا حْلِيلِي
نَار حُـبّـك يَـاسر كَـوّايَـا

بقلم الشاعرة …..جهاد المثناني