– عيوبك إنت عارفها عشان تملي بقولهالك و أنا زنانة إنت عارف إني زنانة و بقولهالك كتير ، أول حاجة إنك رغاي أوي خصوصًا في التليفون ده أول عيـ ـب..
= طب ممكن أدافع عن نفسي ؟
– شوف أهو عايز ترغي برضو ، طب إتفضل
= هو أنا برغي في التليفون إلا عشان الشغل ؟
– ماهو ممكن تتكلم في الشغل باختصار هو لازم رغي رغي ؟
= و انتي إيش عرفك اللي بيكلمني بيقولي ايه ؟
– لا لا انت طبيعتك رغاي دي معروفة..
و بعدين العيـ ـب التاني ، لما بنيجي نخرج المفروض الراحٖل هو اللي بيستنى الىىىت لغاية ما تلبس و ينزلوا ، لكن كل مرة نكون خارجين أنا ألبس و أروح الأسانسير أستناه يمكن خمس دقايق و انا عمالة أقوله يلا يلا ، قال إيه بيرتب في البيت قبل ما نمشي لازم يحط كل حاجة مطرحها و بعدين ننزل
= طب و ده عـ ـيب برضو بذمتك ؟
– آه طبعًا ، العيـ ـب التالت و ده الحْطير جدًا بقى هو إنك بتغني كتير ، أنا نفسي بس تغني حتة على الهوا عشان الناس تعذرني و النبي حاجة صغيرة بس
= لا و ده معقول ، أنا بستفرد بيكي و بغنيلك انتي لأني مش لاقي حد في الدنيا يتحمل صوتي غيرك و ده حقي الشرعي
– طب بس قولنا حتة صغيرة حاجة من اللي بتقولهملي في العربية عشان مبعرفش انط منها
(جزء من حوار مع الجميلة شادية و زوجها آنذاك الفنان صلاح ذو الفقار
Discussion about this post