يا عيني عليكي يا بلاد الدهب . ،،ناديه حجاج

يا عيني عليكي يا بلاد الدهب . ،،ناديه حجاج

نادية حجاج .

———————————————————
قالو عليكي باريس الشرق وبلاد الدهب
قالوا عليكي سمرا و سبحان من وهب
ليه بقيتي مليانه حقد وغل وكدب وشغب
ليه بقيتي مليانة اهمال وفساد وغضب
فيكي الغنا غني فجمالك بلحن وطرب
فيكي الجمال في رمال صفرا كالدهب
فيكي مينا اللي مات شهيد الشهامة
وفيكي اللي قتل ونصب وسلب ورهب
جميلة ومستحيلة زينة وشقية بخفة وأدب
رملك ونيلك وسدك سمارك جماله عجب
بقيتي حمل علينا تقيل حسينا بتعب
زوارك اجانب زروكي خليج وعرب
يتغزلوا ف جمالك بكل رقة وادب
واهلك اهملوكي بفساد اللي نصب
ياعيني عليكي يا بلاد الدهب
شمسك حزينة بتبكي بغضب
اصل وقبايل ولادك عصب
جه مستريح نهب ونصب
ولم الغنيمة هرب
كل الضحايا ولاد البلد
فيهم حرارة تولع حطب
حنينك لمين يابلاد الدهب
كنتي نسمة وبقيتي شعلة لهب
شمسك وضلك من حضنك هرب
هجروكي الحبايب زهاقان وكرب
سابوكي من غير لا لوم ولاعتب
فيكي اللي عمر غلبه اللي خرب
فيكي الطيب قهره اللي نصب
فيكي المسئول فاهمالك سبب
فيكي اللي خانك لمصلحته وهب
فيكي الشرفا صوتهم صخب
صوتهم يجلجل صخورك غضب
املهم فيكي تغير بأيادي عصب
يا عيني عليكي يابلاد الدهب