فين لهفة إيديك ….بقلم سوسن حامد
قصيدة للأديبة المصرية / سوسن حامد سليمان
( فين لهفة إيديك ) قصيدة من ديوانى الثانى بعنوان ( قلوب دافئة)
فين لهفة إيديك
فين لهفة إيديك
ساعة ما كنت
تلقاني
قاسي الزمان
خلاص
قساك
و قساني
د أنا كنت حاسه
قربت تنساني
هجرتك
و سافرت
و ياريت تلقاني
خلاص لياليك
م بقتش في زماني
بعيد خطاويك
جرحت لي آلآمي
فين لهفة إيديك
فين لهفة إيديك
ساعة
ما كنت تلقاني
أو نظرة عينيك
د حرام
أنساك
و تنسانى
علامات الحنين
أهى باينه
في لساني
فين لهفة إيديك
فيم لهفة إيديك
ساعة
ما كنت تلقاني
فين لهفة إيديك
قصيدة الأديبة المصرية / سوسن حامد سليمان
مسجلة وجميع أعمالى المنشورة
ولى وحدى حق التداول بها و الملكية الفكرية
Discussion about this post