كلمات الشاعر
سلامه ابو النجاه
قطعة أرض …
ناتج طرح اتنين من بعض
مع إن مساحة أيها شيء
بتساوي تملي الطول في العرض
لسه الحسبه في عينك كارهه
تلمس إيدك طرف وترها
وانت بتستر بعض عوارها
حائط صد الغد اتهد
لساك عايش ميت حي
نفسك تلمح ذرة ضي
حتى شعاع الضوء الشارد
تحت لهيب العتمه ارتد
رغم المبهم جوه عينيك
واضح جداً إنك شايف
إن الحد الفاصل فيك
بعد رحيلك أصبح زايف
كل رصيدك
كم بيت شعر
على كم فاعل من غير فعل
على بحرين تايهين بالفطره
بين الجزر وبين المد
شاشة عرض
كل اعمالك حاضره الآن
وانت بتحرس منه ليلاتي
وانت بتقرص ودن إيمان
وشريط عمرك
مر ثواني
سعياً خلف صلاح الحال
مي مازالت بستان ورد
واحمد ماشي تملي شمال
فائض قرض
ناتج طرح اتنين من بعض
مع إن مساحة أيها شيء
بتساوي تملي
الطول في العرض
كلمات الشاعر
سلامه ابو النجاه
Discussion about this post