التجاوز إلى المحتوى
كلمات الشاعرة
وفاء على
قال لها …
لو بس يوم تعرفي
أنا قد إيه فرحان
وإن الحياة بعدك
فتحت طرق وبيبان
جسمي اللي كان هزلان
شد وصلب طوله
سحر الكلام إتفك
أفسدت مفعوله
والدنيا كانت حُق
دلوقتي واسعة براح
قلبي اللي كان موجوع
خف ومافيهش جراح
أنا كنت وهم وراح
شايف عيونك دوا
حرقت ضلوعي النار
والقلب بيك اتكوى
كان بين ايديك زمان
ماعرفش ليه سيبتيه
حفرتي ليه القبر
ف سكنتي وحدك فيه
حزنك ياريت تداريه
مالوش خلاص تأثير
عشت ف هواك البطل
ف بقيت يادوب دوبلير
والحال معاكي اتقلب
صفيتي دمي فى علب
ورسمتي بيه مونيكير
ف أنا مش هاكون ملكك
ولاّ لعينيكِ أسير
قلبي كما يوسف
وهواك كان البير
دلوقتي قلبي عزيز
مش حمل تضحية
زرعتي فيه النصل
وظهرتي ك ضحية
قصدتي بيه تلعبي
بقا ليك تسلية
ف ماتحلفيش والنبي
وبلاش دموع عيرة
كان الأمان مطلبي
ومشاعري تأشيرة
بدلتي حلمي الغبي
بالشك والغيرة
ف ياريت خلاص تبعدي
ونفضها سيرة
دلوقتي ليه بتندمي
وتقدمي تفسير
ما انا ياما ليك نصحت
وطالبت بالتغيير
انا كنت طير ف السما
ارتاح على غصنك
عن كل ست اتعمى
وماشافش غير حُسنك
فكسرتي جناحاته
وطلبتي منه يطير
كل الكلام انتهى
مافضلش غير أوجاع
قلبي اللي ياما إشترى
ببلاش ياستي أهو باع
دوبلير
كلمات الشاعرة
وفاء على
