وهيفرق إيه ضحكك وبكاك
مسكين والحزن رفيق لخطاك
ومنين ماتروح دايما مجروح
وأنين الروح مخنوق جواك
الآهه النايمه ف جفن عنيك
وآلام بالكوم بتدور حواليك
وطريق محفور بالخوف سواك
وف عز النور بيتوه الشوف
وتموت مقهور ولا حد معاك
ميت باب مقفول علي حلم هواك
وهطول لدموع دائما سكناك
ولاضي يغازل طيف عمرك
ولا شيش شباك
وف عز البرد لهيب جمرك
يطرح اشواك
أنا قلبي معاك لكن قوللي
راح يعمل إيه اللي تملي
بينادي الشمس يقول هلي
تضحك وعنيها بتنظرلي
وتقول لي العمر خريف وشباك
بتصيد الفرحه اللي بتطرح
وسنين العمر اما بتسرح
تقتل ف غناك
راح يفرق إيه ضحكك وبكاك
كلمات الشاعر
نسيم الزراع
Discussion about this post