التجاوز إلى المحتوى
كلمات الشاعر
سامح السبكى
يا غرامي وشوقى أما بشوفه
لو عدى عليا وبان طيفه
معرفش أنا إيه اللي بيجرالى
وكسوفي يغطي على كسوفه
،،،،،
هو اللي معاه حلوة الأيام
بتعدي بخير وأمان وسلام
لو يوم بيعدي ومبشوفهوش
بقلق وعنيا ما ترضى تنام
،،،،،،
لا كلام عشاق هيكفينا
ولا دنيا بحالها تقضينا
على قد الشوق ما يودينا
هنروح وياه لو فين ما يكون
،،،،،
نفس الإحساس اللي أنا حساه
بيبان ف عينيه يعكس جواه
وساعتها بحس إن أنا مالكاه
وإن الدنيا دي ملك إيديا
،،،،،،
يا غرامي وشوقى أما بشوفه
لو عدى عليا وبان طيفه
معرفش أنا إيه اللي بيجرالى
وكسوفي يغطي على كسوفه
،،،،،
بتمنى أكمل عمري معاه
ولآخر ثانية أفضل وياه
وأتنفس روحه وأدوب ف هواه
وجنوني يفوق حد جنونه
كلمات الشاعر
سامح السبكى
Samh Elsopky
