التجاوز إلى المحتوى
كلمات
الشاعر … أحمد التبيني
( آه لو رجعت يا عمر )
اللى خد مالنا وماتمرشى
ونكر كل اللى عليه
ومعاه ويقول مامعاهشى
عمال يبعزء فيه..
مجروح يا ناس من ناس كان ودهم كداب
ساعة ماقُلت احتجت دول فص ملح وداب
ومن المحال فيه حال على حاله يوم بيدوم
ومسيره يوم ياناس ظالم يبات مظلوم……….
آه لو رجعت ياعمر
مااديش فلوسي لناس
سقونى كأس المر
وعمرى راح ببلاش..
ولا كنت اقف جانبهم
واحل ١٠٠ إشكال
دول لما انا احتجتهم
الكل شد رحال ..
ماهو الخسيس فى الشده
والاصييييييل بيبان
آه لو رجعت يا عمر……………
ماكنت يوم فرطت
فى قرشي للأندال
وكان نفع دلوقت
وحالى غير الحال
وحالى غير الحال
آه لو رجعت يا عمر
كلمات
الشاعر … أحمد التبيني
