يوليو 1, 2024الخاطرةوبـ أسأل … الرئيسية رواد الأدب الخاطرة وبـ أسأل … كلمات الشاعر وائل رشوان وبـ أسأل … نفسي إيه حاصل ؟! بـ صوت منبوح فـ جوف الليل مهوش واصل جرالي إيه !! يا كدبة حقيقة مفضوحة لاهي إعلان ولا فاصل يسيل الدمع متواصل وتبقىٰ الليله مقلوبه ل سيل أحزان مافيش ولا حاجه ليها أمان مافيش ولا حاجه مضمونه مفيش ضامن مفيش مضمون مفيش غير صوره مدهونه مفيش إنسان هنا مأمون مانيش واثق فـ كل الكون مفيش الكل عندي مُدان محدش عدىٰ إلا و خان وسايب ذكرىٰ ملعونه وأنا التايب وأنا المدبوح وأنا الدابح وأنا الرافض أكون سارح واكون مجروح وأنا العاصي أكون سهران فـ ليل دبلان مهوش دريان ولا واعي لاهو قادر يكون صاحب ولا حاسس بـ أوجاعي مفيش فـ الأصل من داعي تكون صاحبي ومفتاحي عشان الليل مالوش صاحب وصاحب كل عين صاحي كلمات الشاعر وائل رشوان Wael Rshwan المقالة السابقة دراسة المقارنة الأدبية بين ايميل برايساخ وعصمت شاهين الدوسكي ... المقالة التالية أنا السمراء ...
