التجاوز إلى المحتوى
بقلم الشاعر …نشأت سرحان الحصري
الهدي نور …
الشمـس لما تنــور
وسحاب يجي يحجب
ويغطي مَنارِتها
سحـاب ينزل مطــر
والخير غايِتها
وسحاب يقلع شجـر
رِيَاحُه نَهايِتها
فيه ناس زي الشمس
الهــدي أصـله نـــور
بينور بَصيِرتها
ولايقدر مريض القلـب
يغير أرَادِتها
وناس في الظلام ماشية
تحسس عيوب الناس
وتتمنى نَهايِتها
خليك في نور الشمس
ووضح حَكايِتها
علشان تعيش مستور
وتحب عيشِتها
لا الدنيا دايما لحـد
ولا أنت خَالِدها.
من ديوان
عاشق وطن
بقلم الشاعر …نشأت سرحان الحصرى
