التجاوز إلى المحتوى
بقلم الشاعر … عارف البديوي
قال لي ….
صديق لي
اكتب لي قصيدة
تعبر عن حالي واحوالي
انا كبرت في السن
وأشعر بوحدة قاتلة
لي اولاد كبرتهم واتعبت عليهم
بس هما مابيهتموش بيا
ومابيسألوش عليا
٠٠٠٠٠٠٠٠٠٠٠٠
حاضر يااعز صديق
هاكتب القصيدة دي عشانك ياغالي
٠٠٠٠٠٠٠٠٠٠٠٠٠٠
اولادي
يافلذة اكبادي
ياحتة من قلبي
وحبكم يجري في دمي
بتتنكروا ليا ليه
مابتسألوش عليا ليه
انا عملت ايه
عشان استحق منكم العقوبة ديا
عايش بوحدة قاتلة
حرام اللي بتعملوه فيا
اغتنموا الفرصة دية
انا فاكيه موليا
اغتنموا وجودي معاكم
اشبعوا مني
قروا عيونكم بيا
ان عشت النهارده
مش هاعيش بكره
مش عايزكم تندموا
وقت ماينفعش الندم
انا بحاجة قوية لحبكم
اتمنى اعيش بقربكم
اغمروني بعطفكم
اشفقوا عليا
ماتعاملونيش بالنكران والجحود
مهما شفتوا مني
لازم تغفرولي وتسامحوني
دنا ابوكم وانتوا قرة عيوني
قلبي بيبكي دم
لما اشتاق ليكم
ومابشوفكم قدامي
والله مهما شفت منكم الجفا
برضه قلبي من جواه
بيرضا عليكم
٠٠٠٠٠٠٠٠٠٠٠٠٠
الف شكر ياصديقي
عالقصيدة الحلوة دي
ياربي تكون عبرة لاولادي
وللي زيهم ربي يسامحهم
٠٠٠٠٠٠٠٠٠٠٠٠٠٠٠
معلش ياغالي الدنيا هموم ومشاكل
وفيه اولاد كتير
شاغلاهم دنيتهم
ومش فاضيين يهتموا باهلهم
٠٠٠٠٠٠٠٠٠٠٠٠
وسابني صديقي ومضى
ودموعه على خدوده بتنسكب
وانا قلبي انشق عليه
ربنا يكون في عونه
ويصبره على بلواه
بقلم الشاعر … عارف البديوي
