« ازاي » للشاعرة باكينام حمزه …
كلمات الشاعرة … باكينام حمزه
ازااااي….. ❗
——————-
إزاي قدرتي تصبري بالشكل ده ، وبتبدري علي سكتك شمس إبتسامتك ،
وإنتي اللي شايلة جوه قلبك كوم مواجع
والكل شايف حزن متداري في وسامتك..
إزاي…….. ❗
كل الحواري الضيقة في قلبك براح
ومشاعرك المهمومة ، عاكسه
نور وضي …
إزاي قدرتي تلوني وجع الجراح …
وتغني برضو غنوتك ..
وبنبض حي …
ازاي… ❗
قدرتي تكتمي… ظلم المشاعر
مرتين …
ورموش عنيك أتحولوا
ساحات حنين…
حتي الرضا في قلبك نغم
عازفاه علي وترك حزين
إزاي …. ❗
قدرتي تدفني قهر السنين
و تروضي كف القدر
مين لبسك خيش الفراق
واتلبسك سهد وسهر
ونسجتي منه توب حرير !!
ازاي …. ❗
قدرتي تلملمي كل المواجع في الضلوع
و كمان قدرتي ع الرهان في مزاد كبير
دفن العذاب كان لك شقا
لا القلب ناح حد البكا
و لا حس عمره عذاب ضمير
يا ضمير وماشي بين دهاليز مهجتك
كل العذاب مرشوش علي حدود
سكتك؟
إزاي……. ❗
و غزلتي من وجع السنين أسطورة
فالناس حبتك
حكاها ناس من عشرتك ….
عارفه المصير
مين علمك تتحولي من قلب تاه … .
لحياه أعادت للفرح مليون حياه
وازاي…. ❗
قدرتي تسخري حبل الخناق
لطوق يكون على ضفتك هو النجاه
رغم ان قلبك في الهوى شاف العسير
لكنه حول كبوتك بسمة شفاه
ازاي. … ❗
ازاي حقيقي انت كده ؟
كلمات الشاعرة
هيومة حمزة
باكينام حمزه
