بقلم الشاعر … هانى صلاح الدين

اللي كتبوا الشعر فيكي

كانوا غاويين الكلام

زى نزوة ساعات بتيجي

بعدها مشيوا في سلام

بس أنا أما كتبت عنك

كان حقيقي دا إهتمام

اللي حبك ياما منهم

بس مين قد الكلام

بصي جنبك تلقي روحي

عايشه حاله من السلام

عشقي ليكي حزن دايم

شاب عُمره في ليل ما نام

في الصفوف واقف وشايف

بس ساكت في إنهزام

بكرة لما تحسي حبي

هحكي ليكي عن زمان

هحكى ليكي أزاي عرفتك

وإني شوفتك في المنام

لابسه طرحه وماسكه وردة

والحنين في عنيكي بان

مش مهما يقولوا ليكي

في الحياة سهل الكلام

المهم إني وعدتك

في الحروب هبقي السلام

بقلم الشاعر … هانى صلاح الدين 

Hany salah eldin