التجاوز إلى المحتوى
بقلم الشاعرة … ناديه
قصيدة الديوان الجديد …
حرف واخد من ملامحي …
يوم ميلادك شفت فرحي
حرف واخد من ملامحي
خط علم بالألم
ابتدا عشرين قلم
ونجوم تلملم باقي جرحي
حبري نازف ع البياض
حقي راجع ف المعاد
مهما بالأوجاع وفاض
حلم شقشق وابتسم
يترسم فجري الجديد
من خريف العمر هلت
ضحكة الحرف الوليد
حلم أبيض وف معاده
الحنين شاهد بيثبت
حلم تبت وامتداده
فرحه من أيامي شبت
يوم ميلاده الشمس فرحت
والنهار سبق ابتسامتي
شفت صورتي بين سطوره
حرف بيشاور عليا
حرف بيقولي انتصرتي
نادية …
٢٩ مايو ٢٠٢٣
