لأمش ممكن
انا مش ممكن ابدا اسامحك
مهما تقول وتعيد
قلبي اللي انت ظلمته بجرحك
جبت بداله جديد
ولا بيحب ولا بيتألم
جرحك أثر فيا وعلم
واللي يعيش ياما بيتعلم
روح وبلاش تنهيد
أنا مش هرجع أجرب تاني
وأفضل وسط النار
قلبك عاش العمر اناني
واديته ميت انذار
عمر الموج ماهيخطف عيني
ولا هستني الريح ترميني
ليه جي تقول لي ظلمتيني
ليه بتقول وتعيد
أنت أخترت تعيش علشانك
روح وانساني
واتغيرت وسبب الهجر
ده كان حرماني
خلي حياتك عيشها بكيفك
عمري ف يوم ماهنادي لطيفك
اصل الشك دا عمره حليفك
يوم ورا يوم بيزيد
كلمات الشاعرة / رضا عبد المطلب
Discussion about this post