التجاوز إلى المحتوى
كلمات الشاعرة
هيام الشهاوي
وحياة قلبك اللي اتحول …
وحياة قلبك اللي اتحول
أنت وحبك مش حتطول
وهخليك تتمني تشوفني
بس في حلمك زي الأول
تتمناني وانت بعيد
وتعيش عمرك كله وحيد
تندم ندمي وتعيش ألمي
تبكي وجرحك يبقي عنيد
وارفض حبك واحرق قلبك
وأشوف دمعك وابقي سعيد
تترجاني ساعتها واقول لك
مش هارجع لك تاني أكيد
لازم ترجع تاني غريب
ولا تتسمي لقلبي حبيب
وتغيب شمسك ويموت همسك
ومتلقاش غير قلبي طبيب
وحياة قلبك اللي اتحول
لازم ترجع تاني غريب
كلمات الشاعرة
هيام الشهاوي
