مـيـن أنــا … ؟!

كلمات الشاعرة
كريمة السيد

أنا آلي بينكم هنا عرفت طعم الحياة
ونسيت الألم والآه وعزفت لحن الهنا
على أوتار المنى من غير ربابة وعود
وقولت سلام يا أحزان ملكيش فى
عمري وجود
أنا حكاية تفاصيلها جميلة للغاية
ونظرة بريئة وبسمة رقيقة تحلي
مُر الزمان فى دقيقة
أنا عنوان لكتاب محتواه شوق وحنين
وفرح سنين خالي من اللوم والعتاب
أنا نبع صافي وقلب دافي وطاقة نور
وبستان زهور وعهد ووعد بين الأحباب
والأهل ولأصحاب
أنا مش مغرورة أنا بس بوضح الصورة
وبرسم بكل ثقة خطوط الحقيقة أصلي
فى الواقع شخصية قوية وجريئة
أنا بجد إنسانة لاتعرف غدر ولا خيانة
وأد المسؤولية مهما كانت هى وأصون
الأمانة وعيوني شبعانة
هتقولوا عليا نتاشة ابدأ والله دا أنا
حتة بغاشة دايبة دوب تسحر عقول
و قلوب وتبدر ورودها بالدروب
عارفين الشمس دي صاحبتي والقمر يبقى
ابن حتتي ولا النجوم بتسهر معايا كل
يوم وسمايا صافية وخالية دايما من
الغيوم
ها عرفتوا مين أنا ولا أقول كمان وأعيد
وأزيد فى الكلام متهيألي عرفتوا تمام
لكم ودي وباقات وردي وكل آيات
التقدير والأحترام
……………
كلمات الشاعرة
كريمة السيد