الرسالة الأخيرة …

كلمات شاعر الصعيد
عبدالرازق الشريف

قولتهالك
لو راح امشي
المرا ديا مش هنرجع
قولتي اي؟
قولتي امشي
يومها بان الليل فشمسي

واتبنت فوق قلبي حيطه
في مكان كان هو وطني
واختفي فقلب الخريطه

عدت الايام فعيني
والوعود والذكريات
حلم كان عمال بيكبر
فجاه مات

قولت لك لجل اللي بينا
اوعي مره فيوم تسيبي
كنت اقرب
لو تغيبي
كنت اموت من جرح بعدك
عمري يوم ما لقيت طبيبي

كنتي نخله جريدها عالي
بس كان الطرح صيص
كنت بدفع عمري ليكي
وانتي بتبيعي برخيص

واما يوم قررت امشي
واشتري الباقي فحنيني
جايه برضك بتلوميني

يشهد الليل اللي شافني
والوجع ساكن فجوفي
كان غيابك كل خوفي
كان ناقصني ضم ” كفك ”
وانتي جنبي الليل تطوفي

يا الغريب
يا ابوقلب اخضر
يشهد الفجر اللي كبر
وانت قنديلك بيسهر
لما كنت لعينها عاكف
” بالحنين اصبحت صوفي ”

قولي للعالم هجرني
قولي للعاشقين قتلني
قولي دمك لسه فاير
فوق كفوفي
..
بس اوعي فمره تنسي
اني لما اخدت حاجه
كنتي ادي قصادها ميه
واني عمري ما شوفت منك
غير… اذيه
وان كنتي زي حيه
جوا سم
وبرا ناعم
تاخدي منا الحب ” كيل ”
وتحدفينا بالنواعم
وبكرا يظهر حق قلبي
والسنين يا حلوه جايه 👌

كل ما تزورك ليالي
وكل ما هتفارقي غالي
وكل ما ياذيكى خوفك
متلاقيش.. ضمة ايديا

يومها تبكي الليل عليا
وتوحشك ضمة عنيا
والحنان اللي فكفوفي
يومها اقول اني هجرتك
” دون ما يبقي البعد خوفي …