ومكسوره في قلبي حاجات
وصورة ماضي يألمني
ومحسورة مابين صدمات
وصوت الوهم كلمني
فبلقاني مابين خيالات
كأن الخوف يطمني
افوق من حلمي القاني
كأن النار بتكويني
بتحرق كل شيئ فيا
وكسرة قلبي تضنيني
وراحة البال تخاصمني
تتوه صورتي وتكويني
أراجع حسبتي واغلط
في تخميني
وقولة آااه تحسرني
وراحة قلبي تهجرني
في عز المحنه تنسيني
بسكينه وذات حدين دبحتيني
وكان ممكن ولو مره تعاتبيني
أتاريكي بدون إحساس ظلمتيني
وسقتيني كاسات الويل وكام
مره مايكفيني
تزيديني مرار وعذاب وطول الوقت تسقيني
وجوايا أهات دايبه ومكسوره
تهد في قلبي كام صوره
فلا يقري ولا يسمع
واعاتبه يقولي فين يوجع
وناس متغيره وشوشها
تشوف في الوش ميت صوره
وأنا مليت وجوايا 200بركان
واعيد أوجاعي من تاني
ولسَّاني
بعيش دنيا ما فيها أمان
بتمسح كل شئ فينا
نتوه في البعد
ونار الغربه تكوينا
وبحلم أن يجي اليوم
أعيش وخواطري مجبوره
كلمات الشاعرة
نور
Discussion about this post