فتش في روحك
فتش في روحك
فتشت جوا الروح تبوح مين السكن
قالت فداك القلب ينده ياوطن
سكن الوطن جوه الألوف
متعبي عينه بميت شجن
ورسمت من ألف القصيدة بحور معاه
جوا البحور الموجه عاليه وصوت بآآآه
مستني شط بخضرته
رغم الوجع أعبر مداه
يا عيون بهيه بحسنها كحل ف سماه
والخصر فارد طلته يا قلبي ياااه
متحني ف جبينها الشقا
وعرقها مسك وخمرته شهد بصباه
ياحرف داب قلبي معاك م الإنتظار
والشابه واقفه ونفسها طلة خضار
تسعد معاها باللقا
زارعه الونس ف رموش عنيها وضيها رغم الحصار
والحب نبته بتتسقي بزهور غرام
وغرامها ساكن قلبها مفروش هيام
رغم الوجع اللي استخبى ف حضنها
مسحور ونفسه ف ضلها يفرد خيام
وخيام حروفي كلها أشواق
متعذبه ومعذبه العشاق
مشتاقة تفرد شوقها ع الأغصان
يمكن تلاقي لحبها أسواق
كلمات
الشاعرة شيرين عبد السلام
