درويش
درويش
و سارح فى البلاد
طواااااااف
ماشى بيذكر دائما
فى الله
انا الدرويش
وما املكشى
غير السبحة
وخطوة رجلى ع السكة
وقولة حى
وأنا الدرويش
بموت وبعيش بقول يا حياة
بشوف ياما
وبتأمل فى بنى أدمين
بتألم وقلبى حزين
على افعالهم وأحوالهم
ودايما أراضى فى القلوب
كطبيب
واهى ساقيه ودايره بيا دوامه
والناس اكيد اجناس
تفاصيلهم حكاويهم
كتير وكتير
بقابل فيهم شر وخير
ومتسامح مع نفسى
وبسامحهم
لو دمعه فى عين غيرى المحها
ببكى له وببقى حزين
وأهو يا ما وكان ياما كان
فيه طيبه أمان وحنان
انا الدرويش
ودا جرابى
وفيه الخير لاصحابى
واهدى الخطوة ع السكة
كان إنسان اذا يزعل
يقدر بالأمل يحلم
يقدر يرسم البسمه وبالألون
وأهو يعنى
كل سفينه لها ربان
والقطر اذا بيمشى
على القضبان ورايح جاى
ومفيش إنسان بقى عاقل
يقدر يخبط راسه فى الجدران
لكن خوفى مزوده
بشوف الخلق نص ضمير
وبتقولى كلام مدهون
تبان حلوة مفاهيمه
ولكنه كلام فاضى
بدون تأثير
نسخه قديمه
ومشهد برضه متكرر
ومبادئ عايشه كمان
على التمثيل
نسيو الناس
إن الآخره موجوده
حساب وعذاب
جنه ونار
وان الكَل وفى لحظه
هيبقى تراب
ماانا الدرويش
ودى السبحة
حروف من نور
تلف تدور على كفوفى
وازيح الضلمة من خوفى
فخلينا نقوم ياله
و نتصالح مع روحنا
نبدلها
نبدل حزنها بأفراح
ونرجع تانى زى زمان
ورب الكون
هيفتح لينا فى الأبواب
الحن طليس
