أيمن دواوشة يكتب رباعياتِ

رباعياتِ الخداع

كلمات / أيمن دراوشة

—

الرّباعيّة الأولى:

ما رح تخدعني تاني… قلبي فهم اللعبة

كلماتك سكر فاني… فيها الحقيقة صعبة

كنتَ الحكي الحنّانِ… صرتَ الجراح بقلبي

يا ويلي من أوهامي… خانتني فيك المحبة

****

الرباعية الثانية:

غابت نجوم الليلة… عن ساحة الانتظار

والموعد اللي بخياله… صار الغياب شعار

قلبي تعب حيلة… والعين ما عاد فيها نار

انتهى زمنك عندي… ما عدت فيك أختار

****

الرباعية الثالثة:

كنت إنتَ السند فيّ… صرت الهوا المسموم

وعدك كسرني شويّة… وهد الحنين المكلوم

ما عاد فيك النية… ولا الوفا المرسوم

أنا اللي محيتك مني… وبقلبي مسك الهموم

****

الرباعية الرابعة:

ما رح ترجع تاني… حتى لو بكيت سنين

اللي بيرضى الهوان… ما يعرف المحبين

أنا رجَّعت كياني… واستودعتك للحنين

خد كذبك وعِنواني… خلّي الوفا للوفيين