أكتوبر 4, 2024الخاطرةالناي الحزين … الرئيسية رواد الأدب الخاطرة الناي الحزين … كلمات الشاعرة هيومة حمزة گأني مثل ناي حزين….أردت أن أسلي نفسي بالغناء…فبگيت 🎶 الناي الحزين .. …… …… أنا الناي الحزين جدا. وصوته مدفي أوصالي ونغمه منه تأسرني ونغمه تحكي عن حالي تعالوا نسمع المواويل ونحكي حكاوي مالها مثيل ونتداري في ضلايه لشجره توت و سهرايه ونتجمع مع القمره نشكي لها وتسمعنا ونحكي لها ما تمنعنا ونضحك ضحكه ليها معني في ليل كداب بيوجعنا ونرسم بسمه بدموعنا تغطي عليها أوجاعنا وياخد ليلنا أوهامنا ويرميها مع الأحزان بعيد ما تبان. ويكتب قصه صغنتوته يحكيهالنا ع التوته ويسأل هي ملتوته ولا علينا حدوته ونقابل قمرنا هناك ينشر ضيه ع الأشواق في صوره تبين المشتاق يكون فيها شفا وترياق وصورتنا ماليها مكان علي حيطه امل مكسور وقلب جسور بيعافر في ليل عتمه يبان للنور ومين ح يبان في ليل دبلان وصرخه آآهه متخبيه في الفستان .!! وفستاني بلون نعسان بلون بهتان !! ويتنفس آهااااتي كماان يعزفها نغم كروان حزين ولهان. ونسرح بالحنين لزمان ونسأل مين بأوجاعنا ياخدنا لدنيا وتساعنا بعيد عن دنيه الأحزان ويرجع فرحنا ويقيد شموع شوقنا تزيد وتزيد وشمعه دمعها سايل في ليل تسهيد بتتمايل بتسأل امتي يجي العيد. وتسري الفرحه في الشريان . ونسهر عمرنا ماننام تنام هي في أرواحنا يشقشق فجر يفرحنا.. علي دنيا من الأحلام وينسانا هناك لزماااان نعيشه في صفاء وأمان ونسمع أحلي نغمه ناي معاها كمان .!!! كمان وكمااان .!!! كلمات الشاعرة هيومة حمزة باكينام حمزه المقالة السابقة خارج الأمنيات في أدب وفلسفة ... المقالة التالية ،،،،شبحٌ،،،،،،،
