قطر الحياه

قطر الحياه
ماشى …….
واخد معاه الكل
والساقية دايرة كمان
بينا ياحول الله
مرسومة لينا الخطى
بالمقاس والظبط
والسرعة تدبحنا
آخرتها إيه ياقطر
أرجوك بقي قولى…؟
سكتنا خير اوشر
اهه فات معاك العمر
وعدت الأيام
وكله جراح وآلام
ولاشوفنا يوم بيسر
ياقطر ما تقلنا
رايح بقي على فين…؟
اوعاك تسيبنا كده
بين البشر تايهين
الحمل زاد بالقوى
والجاى مش كافى
وأنا برضه اهه
عايش شايل ومتحمل
زى الجبل عافى
ياقطر إهدى بقي
أنا حلمى سهل بسيط
بحلم بشمس الدفا
تضمنى بحنان
وفي آخر الطريق سكه
يتجمعوا الأحباب
حلمى اللى كان له سنين
أصبح خلاص معدوم
فى الدنيا ياما هموم
مغصوب عليها الكل
يا قلبى ليه محتار
مش شايف السكه
ضاعت سنين منك
علشان كده خايف
طول الطريق اكدب
على نفسى والمخاليق
وأقول خلاص هوصل
الاقي الطريق لافف
انا عمرى زى الخيط
بيعدى ليه ويكر
هاتولى صبح جديد
يمكن يا بكره تسر
وتخف دى الأوجاع
من يوم
ركبت معاك واتغيرت احوال
ودفعت اكبر تمن
يومها وكان غالى
بص بعينيك قدام
فى العمر فاضل كام
علشان تسيبه يضيع
فى رحلة الأوهام

#الحن_طليس