من فوق حيطان كل البيوت …

     كلمات الشاعرة 

عزة أحمدابوزيد ابوزيد

من فوق حيطان كل البيوت 

والنور بيحضن قلبها

وسط الاغاني المبهجه

والدندنات المفرحه

جرح الصبا 

عمال يقرب منها

ويحطها تحت الرحا

وبصوت خنيق 

بسمع عيونها بتشتكى

والدمع سيل فوق خدها

واما الستارة بتفتح

الخوف بيشبه للشبح 

واقف بعيد 

بعدان حديد

بيحول الشوق والأمان

لنوبه مصحوبه بجنان

وانا وقتها

 كان كفى حاضن كفها

وبكل شوق بهمس لها 

بقصايد الحلم الجميل

ولكني حاسه بالألم

وف سكتى تاه الدليل

رغم انها كات صاحبتى

وقت الندا والشقشقه

 ولكنها بعد الشقا

الحزن غاوى يقولها

ما تفكريش يوم ف الفرح

دى الفرحه 

صعبه ومستحيل

تلمس ضفاير شعرها

       كلمات الشاعرة 

عزة أحمدابوزيد ابوزيد