دار كلامْ

دار كلام

وحضن دافئ في المنامْ

لما نتقابل يا روحي

في عيونك

رمش بيرد السلامْ

ضحكة القلب اللي ساكن

بين ضلوعك من زمان

بسمة العين اللي شافت

بين ربوع الخوف أمان

لمسة اليد اللي كانت

تكتب الصبر اللي كان

والأمل والصبر دايب

هو اللي خلانا حبايب

ونسانا تعب السنين

واللي سامح واللي عايب

واللي نفسه في كلمتين

كله دا راح بالمحبة

ودوبه الشوق والحنين

جاني طيفك جنب مني

وبحر من شوقك دموع

كلمه مني ونظره منك

بين سواد ليلك شموع

والمراكب سايره بينا

والامل بين الضلوع

ما الحياة هي حلوة مُره

وهمسة مره

وكلمة مره

والأماني تعرفك

أ

نتَ لو بين الجموع

د … صلاح علامة