كلمات الشاعر
رأفت عبد العال
حتى الحنين لملم شراعه ورحل
معادش حد من الخطأ معصوم
ولا عادش حد من الملام مهموم
إيه يعني كل الحروف تكتب حنين مبتور
إيه يعني لما الشموع تنقاد لعتمة تثور
إيه يعني لما القلوب تنصاع لطاقة نور
خليني أحضن جراحي وألعن حنين مستور
خليني أقتل سماحي وألف دور ورا دور
ياشمس يامشرقة يا عالية يا معجزة
شمس الحقيقة مخلصة
لا يهمها قضبان ولا سجن ولا سجان
روح الحقيقة بيان
لو حكموك خسران
لو كلموك فلتان
جواك حنين الندا
بس الشبه إنسان
جواك بقايا الصفا
وصراخ شبع حرمان
أخلع عباية تقى
وأشرب مع الندمان
أقتل أنين الورع
وأصرخ في كل مكان
أمسح قانون الهدى
خليك عيون بركان
كم عشت عمرك وفي
وكم زرعت أمان
وقت الحصاد يجرحك
شوكهم بكل لسان
ياللي عشقت القمر
قالوا حنينك هان
مبقاش لشعرك وطن
آه يا شعر كان ياما كان
ترسم حروفك أمل
وتبات مع الأحزان
ما أعجبك إنسان !!!!!
طعم الحنين يغلبك
ويصحي فيك أوهام
لو سمعوا يوم صرختك
كانوا عرفوا ليه حيران
كلمات الشاعر
رأفت عبد العال
Discussion about this post