يا حلوة لازمِك توبة
****************
كلمات الشاعر
محمد جمعة
السكة كانت سكتِك
محض اختيارِك
بانت ملامح خطوتِك
في عيون دلالِك
فجأة اندفعتي بقسوتِك
لجنون خصامِك
و هدمتي متعة ف دنيتِك
من قلب صانِك
انتٍ اللي توهتي ف موكبِك
لحظة غرورِك
و جريتي روحتي تهللي
لشيطان ندالِك
يا حلوه مش قسوة زمن ….
( عقرب سعاتِك )
اصل التمرد له تمن ….
من ذكرياتِك
لدغه … و ضربة و كرباجين
و قطر فاتِك
ف استحملي مر الجفا
قهرة عنادِك
و هِدي جدارن معبدِك
اللي ف خيالِك
و اتوضي … و انسي تمردِك
ادعي ف صلاتِك …
يمكن تفارقِي الغطرسة …
و شيطان ضلاِك
رميتي ودنِك للخيال
من غير فلاتر
شتت في فكرِك
بهدلِك وبدون سواتر
قصقص عناقيد الجمال
بمقص غادر
زرع دلال من محنتِك
سابِك و هاجر
و بقيتي واقفه بتلعني غدر الزمان
لكن يا حلوه مش ( زمن )
دا شيطان و شاطر
لمي اللي فاضل و افردى
شمسِك في قلبِك
بيعي اللي باعِك واشتري
مجدع يضمِك
بس اوعي تنسي تقفلي ….
سراديب غرورِك
جاب ريح بتنسف متعتِك
مصت ف دمِك
انا اصل خبره و صنعتي لقلوب كسيره
كسرها ( كبر العجرفة ) ….
ماتت ( بغييرة )
ياحلوة انتِ يلزمِك
توبة نصوحة
بدل ما تبقي للأسف عناوين كتيره
لو لومتي نفسِك …
انبي ساحة ضميرِك
و اوعي تعاندي تقربي
لشيطان يزورِك
الفكر فكرِك و برضه ….
دا الحس حسِك
بس المهم اتعلمي
بالحكمة درسك
طاوعي رشادِك للصفا
و استدعي قلبِك للشفا
تنسي الخصام ويا الجفا
و جنون قساوتِك
يصلح ف شأنِك ربنا
و تخيب ظنونِك
***************
كلمات الشاعر
محمد جمعة
Mohamed Gomaa
Discussion about this post