كـوفـى حــب ….

كلمات الشاعر … وليد المصرى

قلبى إللى إتعلم على إيدك
إيه معنى الحب
بقى ياكل حمص وبليله
ويقزقز لب
وبيعمل علشانك ثوره
ويدق بجد
نسى طعم القهوه
وحب الكوفى شوب
بقى مدمن جدآ لعنيكى
وبيفهم فى شؤن الحب
وبيوفى بوعده
ونبضه بيعشق ويطب
أصبح حريف بالفطره
وبيحب المكسب
وبيكتب وياكى مصيره
بصدق وإخلاص
وبيقرا فى كتاب الدنيا
ويدون أحداث
عن كل ساعات ودقايق
وعقارب بيشوفها تعدى
فى باترينا قزاز
وثوانى بتخطف من عمره
لحظات إعجاز
وكتير بيحبك دلوقتى
وحبك إنجاز
فبلاش ياحبيبتى تصدينى
مشبوكه قلوبنا خلاص
وبكل مشاعرك طوعينى
أنا واحد بيحبك جدآ
وأختارك من بين الناس
شاف كل جمالك فعليآ
شاف بنت أصول وأساس
وبيحلم يلقاكى فى حضنه
ويعيش وياكى الإحساس
ويكون لك شمعه تنورلك
فى الليل وناس
وإشاره تملى تعبرلك
فى طريق ألغاز
وبنام وف حضنى كتير صورتك
وبشوفك لولى وماس
هتقولى بحبك وأنا برضو
حبك جوه الأنفاس
وقلوبنا من كتر ماعشقو
بقو صوره جميله فى برواز
يا اميره وساكنه فى حروفى
وأنا فارس وسط الحراس
بيأمن قلبك وعنيكى
وبقى بيكى متيم حساس
هاتمدى إيديكى وتاخدينى
واشرب من حبك والكاس
ولا أفضل أحلم أنا بيكى
وتسيبى الحلم مجاز

كلمات الشاعر
وليد المصرى