متحزنش وسيبها عليه …

كلمات الشاعر … حماده عركز

متحزنش وسيبها عليه
أكيد عالم بأنك كنت حد نضيف
وأنك كنت بتقدم ربيع قلبك
عشان بتهد فيها خريف
………………………………
متحزنش
لأنك كنت في حياتها مجرد طيف
وعادي أن أحلامك كانت ثانية في دنيتها
وعادي تكون يادوب مريت في أحلامها كأنك ضيف
وعادي تكون كمان شيفاك شيطان مسكين
وعادي تدوس على قلبك وصابه فوق عيونك طين
……………………………………..
اقف ساكت متنطقش ولا تبرر
وسيب الدنيا تحكيلها أكيد الدنيا هتبين
وتعرف وقتها هي
بأنك شخص مش ممكن
في يوم في حياتها يتكرر
……………………………………………
متحزنش
لأن الحزن مش لايق على شكلك
وسيب الخلق للخالق وركز بس في مشاكلك
وحارب كل أحزانك لأن الحزن لو يسكن
هيطلع من الهوا ياكلك
…………………………………………
متحزنش
وحقق كل أحلامك
ورتب دنيتك تاني وصيد م الشعر الهامك
وسيب إحساس لكل الناس
بأن الدنيا هتبين دليل الصدق في كلامك
………………………………………………..
ولو دلوقتي كل الناس ماهيش سامعه ولا شايفه
ولو حسيت بأن كلمتك ماشيه على سطورك
في عز ضلمتك خايفه
فبكرة من السما ينزل على كل البشر إلهام
ويجي كلامك المنفي على لسان الجميع أعلام
فسيب الدنيا تتكلم على لسانك
وما تنطقش اى كلام
……………………………………….
وما تبكيش لأنك لو بكيت انهار
مفيش منديل هيجي يحس بعيونك
ما ياما السما بتبكي
وكل الناس تحس بفرحه وسعاده
لأن بكاها مش محسوس
فأصبح عندهم عاده
محدش حس بدموعها بأنه طلق وولاده
…………………………………………..
فانسي كل أحزانك لأنك مهما هتبين
ملامح وشك الأخضر عليها الحزن متزين
مفيش ولا نظره من عينهم
هتيجي عليك وهطيب
لأنك أنت مش منهم
ولا دينك كمان دينهم
فعادي لو هتبقي بعيد
ولا تحضر معاهم عيد
………………………………………………..
لأن الحزن لما يزيد هتىرجع تاني وتحارب
ولما الموج يكون عالي هتبقي ليهم القارب
فسيب الدنيا تختار لك هترسي لفين
في يوم الوقت هيبين بأنك كنت لو عطشوا
تسوق الدمع لايديهم وتبكي لما تسقيهم
ولو نشفت دموع العين