كراكيب دماغي     الشاعرطاهر الصوفانى
..

وبكتبلك من الأشعار
ومن وحي الهوى الجبار
لعلك تفهمي قولي
لعلك تيجي وتقولي
كما السابق ..من الأعذار
خواتم حبك البتار
وانا كالعادة راح اصدق
والمك تاني جواتي كسور م الروح
ولو فاض مني اتصدق
على المجاريح من المساكين
على مقام اللي مش عايشين
هصليلك فروض الغدر
واصوم لك فرض ونوافل
أسافل عشقنا الغافل
عن الأسحار
واصالح جني وشيطاني
وحسدة كل من شافك
وقال دي غواية رباني
واعاتب أب رباني
على الأخلاص
لخلي حتى لو كان خان
وام طيبتها في عيوني
دموع على فرقة الاحباب
هصدق عذرك الكداب
وهفتح تاني شراييني
عشان لو جيتي تزوريني
تخشي من ولوج الباب
أكيد ضيعتي مفتاحه
ومن يومها ملوش بواب
ولا يملك دفوع الأجر
لزوارك وللايمين
ومستنيكي ع الاعراف
لامطمن ولابيخاف
وفارض جنته نارك
مع مقام اللي مش عايشين

كلمات الشاعر
طاهر الصوفانى