تعانديني
تعانديني
تعانديني يا دنيا …
وترجعي تصالحيني
وتضحكي علي قلبي … بأمل كداب
وانا شفت فيكي العجب…
و هوسني فيكي العجاب …
علي مين هتمثلي الضحكة …
وانا الخبير… بكل ألوان العذاب…
لا أنا ناسي الأسي …
ولا انتي يا حلوة ..شطرة في التمثيل …
ولا قلبي طيارة ورق.. علي زفتك هتميل…
عرفت علي ايديكي الخداع …
واحلامي ..منها اللي باقي ومنها اللي ضاع …
تعانديني وتحلفي بحق كل كتاب …
إنك بريئة عن سقوطي في كل بير
ودليل برائتك كان حبال ممدودة
من غزل السراب …
كلمات الشاعرة
د / رحاب على
رفعت للتصميم
