حسام حسن ينصف الشعب الفلسطيني

كتب/محمدعبدالناصر

لم يتوقف المدير الفني لمنتخب مصر حسام حسن، عن الحديث عن الشعب الفلسطيني، خلال المؤتمر الصحفي الذي يسبق مباراة الفراعنة أمام الأرجنتين، والتي ستجري ضمن منافسات بطولة كأس العالم 2026.

حسام حسن كان قد حمل علم فلسطين عقب تفوق منتخب مصر أمام أستراليا، بركلات الترجيح، في المباراة التي أقيمت ضمن منافسات دور الـ32 من كأس العالم، ليصبح المدرب الوطني حديث الصحافة والإعلام في العالم بأسره.

قال حسام حسن خلال المؤتمر الصحفي لمباراة مصر أمام الأرجنتين: “بيموت 3 أو 4 آلاف في قذيفة صاروخ واحد على غزة، والشعب الأميركي والأوروبي لا يتحدث عن ذلك، عار على العالم كله وعار على أصحاب القرار أن يتركوا بني آدمين مثلنا في هذا الحال، عندما يتعرض كلب في الشارع للأذى يطالبون بمحاكمة من آذاه، فماذا عن من يقتلون الأبرياء في غزة بالصواريخ كل يوم”.

ونص حسام حسن : “كل واحد ليه مشاعر، اذا وُجد فرد في العالم محسش بالشعب الفلسطيني ميبقاش بني أدم، سواء عربي أو اوروبي أو أمريكي لو فيه حيـوان حد قسى عليه بتطلع حقوق الانسان والحـ ـيوان والدنيا كلها، لكن لما كل يوم ناس بالألافات يحصل معاهم كدا واطفال وستات واحنا قاعدين في تكييف وفوقنا سور وشقق وأكل قدامنا وفيه اطفال وشعوب قاعدة في خيم وصيف وشتا وشمس ومطر، لما بتبقى الدنيا حر عايزين تكييف، ولو شتا عايزين بيت مقفول ودفايات وغطا، الشعب الفلسطيني قاعد في العرا

فيه اطفال مش لاقيين ياكلوا وبيتعرضوا لأمراض من قلة الاكل والنوم والحياة، لو محسيتش بيهم يبقى مليش لازمة أعيش، لو مفيش بني ادم حس باللي بيحصل يبقى مش بني أدم، مينفعش يعيش، الناس اللي في ايديها القرار تحط نفسها واولادها انهم يقعدوا يوم واحد بس في الشارع والشمس والمطر يقعدوا بس يجربوا ونشوف هيعيشوا ازاي، لما بيحصل سيول هنا الناس كلها بتجري، لكن السيول بتحصل هناك ومعندهمش حاجة يتدفوا بيها، عاااار على العالم كله وعلينا كله وعلى اصحاب القرار اللي سايبين بني ادمين زينا زيهم”