( قلوب صافية )
كل يوم بنشوف وُشوش
ناس ملايكة…
وناس وحوش
وقت قوّتْهم بيجو …..
ع الضعيف ولا يرحموش
بس في ف الدنيا لسه
ناس قلوبها بجد حاسة
بالِ محتاج ايد تطبطب
للحنان يوم ملتقوش
وقتها جُم بَـلُـو رِيقنا
ضيّهم نَوّر طريقنا
واما كنا ف وقت شدة
عننا متأخروش
ناس بسيطة بقلب راضى
طيبة و تقدر تراضى
لسه فيها الطبع هادى
من زمان ماتغيروش
والمشاعر لسه دافيه
يوم ما توعد تبقي وافية
والقلوب لساها صافية
م الحياه متأثروش
كلمات الشاعرة
حنان الجوهري
Hanan El Gohary
