بكتب لك
وبكتب لك بدمى جواب
وأوصف لك ضنى حالى
يا اعز الصحبة والاحباب
ياجنة يا كل راس مالى
انا قلبى ف حبك داب
وشاف الجنة ف خيالى
ده بعدك عنى الف عذاب
وقربك شهد يحلالى
ياطعم العشق ياعمري
تعبت بجد من صبرى
ياريتك فيّا تبقى وريد
وتسكن ف السما قمرى
صعيب العمر وانت بعيد
كأنى ف غربتى بجرى
بدور بين عيون الناس
على قلبك واقوله خلاص
انا راجعة بشوق وحنين
وعاشقة عيونه بالانفاس
كلمات
الشاعرة يامنه اليمنى
