زمان لما احنا كنا
المكان مكانش مكاننا
المكان دا كان لغيرنا
بس احنا اختارنا السكات
المكان مكانش لينا
و لو كان وسعه مدينة
حسيناه ضيق علينا
ليه بس رضينا بفتات
المكان دا مش بتاعنا
سبناه و ما فرقش وداعنا
ليه نرجع للي ما سمعنا
و ما تأثرش بالي فات
سبناه المكان لغيرنا
المهم صحي ضميرنا
و هنقدر الي يقدرنا
و كله هيبقى ذكريات
سبناه المكان خلاص
و هنقابل أكيد أحلى ناس
يشاركونا حلو الإحساس
و يعيشو معانا الحياة
كلمات الشاعرة
منى البابوري
