صدفة …

كلمات الشاعر 

همام ابراهيم

صدفة …

زى ضحكة شمس 

هلت 

وف عنيها الإنبهار.. 

وابتسامة روح نسايم 

هددت قلب الجدار.. 

وابتدى النور من عنيها

يذيع بيان الإنتصــــــــــــار.. 

وابتدت ثورة سكونى 

فى طور بيات 

طـــوبة وأدار.. 

وابتدت أحلام بريئة 

تعدى بالليل للنهار

رب صدفة 

بنت هلت لملت من فيا روحى 

وصحصحت نوم القرار

كل صوت مهزوم فى قلبى 

وكل دقة 

بقى لها دار!

شاف جمالها اخضر لونه

لما دار بيها المدار 

وانتشاله عمر تانى 

وسمى فى عيون الغبـــــــــــار

واهتدى الغرقان 

لقشة حر 

فى سجون الانتظــــــــــــار

وابتدى الشط المسافر

يحضن الموج اللى ثار 

حتى طير العمر راجع 

فى الإيدين ورد اعتذار 

كل ليل فى عنيا 

سلم نبض قلبى للنهار 

وابتدت بنت المحبة 

تروض العقل اللى طار 

كل همسة ف تون كلامها 

الموسيقى باختصار 

اللى من بستان خدودها 

الجناين فى احتضار 

كل لحن “ياليل” 

فى عودها 

وماشية بتعد الغنايم ع الجيتــار…

كلمات الشاعر 

همام ابراهيم