مارس 18, 2024الحديثمسحراتى رمضان … الرئيسية رواد الشعر الحديث مسحراتى رمضان … بقلم الشاعر … عارف البديوي مسحراتى رمضان … اصحى يانايم وحد الدايم رمضان كريم واسمع كلامى يارب يعجبك خلى بالك من لسانك هوحصانك ان صنته صانك وان خنته خانك وخلى بالك من كلامك واعمل حساب لكل كلمة من كلامك ان كانت كلمة حلوة قولها وان كانت مش ولابد بلاش منها ممكن يضيع صيامك بسبب كلمة واحدة اصحى ياصايم وحد الدايم رمضان كريم وخلى بالك من نظرة عنيك ممكن تتحسب عليك وماتخليش تزغزغ عنيك وتروح شمال ويمين ماهو الصيام مش عن الأكل والشرب بس الصيام عن الكلام البطال كمان والصيام عن النظره اللى فيها الشيطان خلي كلامك عسل واخلاقك تمام ومعاملتك للناس ياسلام وساعد قد ماتقدر المحتاح والمحروم وملي وقتك بالعبادة ده شهر الحسنات والخيرات والبركات رمضان كريم اصحى يانايم واشكر واحمد ربك الدايم رمضان كريم بقلم الشاعر … عارف البديوي المقالة السابقة وداع دون سلام ... المقالة التالية على شفةِ النايِ ...
