التجاوز إلى المحتوى
كلمات الشاعرة
سناء البنا
بنادي عليك …
وعدَّى كام يوم وانا عادي
ما جيتشي فْ مرة علي بالي
لا مرة فكرتْ أنادي
عايشه بنام واصحى لحالي
ما بقتش عيني على التليفون
ولاحتى لجل أشوف الوقت
حاسة كمان إني فْ بعدك
كتير كتير ياحبيبي إرتحت
لا حد قال لي عملتي إيه
لا حد يهمُّو تفاصيلي
واللي بنام أنا بااصحى عليه
عايشة ف احلامي ومواويلي
لا حد يوم يشغل لي القلب
أو حد قاللي كلام ف الحب
لكني عايشة بجد ف رعب
ودمعي ف عيني طول ليلي
أنا ب اكدب ياحبيبي عليك
في بعدك مش بشوف راحة
وإيديَّ واحشها لمس إيديك
ونظرة عينيَّا فضاحة
وعايشة ف شوقي وحنيني
يا أملي وكل تكويني
وارجع تاني تلاقيني
لأني تعبت بصراحة
………………………..
كلمات الشاعرة
سناء البنا
