. علاش هاذي الغيبة
يا لندرا شني حكايتك يا حبيبة
و علاش هاذي الغيبة
الفراڨ ناره ڨايدة و لهيبة
علاش تجري و بالمحبة تعجل
و علاش كيف تحب تبدا تهرول
يا ڨلب خوذ مسافتك من الاول
تجي طيحتك باللطف موش صعيبة
يا لندرا شني حكايتك يا حبيبة
و علاش هاذي الغيبة
الفراڨ ناره ڨايدة و لهيبة
تعلقت ياسر بيك موشي ساهل
العين زرڨة و الرموش ظلايل
و الڨد عربي و الشعر يتمايل
و النوم هارب واش باش يجيبه
يا لندرا شني حكايتك يا حبيبة
و علاش هاذي الغيبة
الفراڨ ناره ڨايدة و لهيبة
يا ليعتي يا طول سهري و ليلي
ملي بعدتي علي ضاع دليلي
جبت الڨصيد عليك و مواويلي
موحال ننسي وڨت كنتي ڨريبة
يا لندرا شني حكايتك يا حبيبة
و علاش هاذي الغيبة
الفراڨ ناره ڨايده و لهيبة
الشيطان يحفر و العقل يغيب
و يڨول ننسى الحب و الحبيب
أصل المحبة موش بالتحسيب
الجرح يوجع و الزمان طبيبه
يا لندرا شني حكايتك يا حبيبة
و علاش هاذي الغيبة
الفراڨ ناره ڨايده لهيبة
شيطان موذي يلعنه و يخزيه
و عزيز ڨلبي ما نهون عليه
لا بد يصفى الدهر و نلاڨيه
يدوم الوفا في طبيعه و الطيبة
يا لندرا شني حكايتك يا حبيبة
و علاش هاذي الغيبة
الفراڨ ناره ڨايده و لهيبة
الشاعر التونسي
الحبيب المبروك الزيطاري
